RSS

منتخبنآ بقيآدة الجوهر فِ موآجهة الأردني العنيد

12 يناير

السلام عليكم ..

أخباركم بعد الخسارة من سوريا .. نقول ان شاء الله انها تكوون سبب بعودة المنتخب وصحوتة بإذن الله ..

المهم .. نشوف وش صار بالجولة اللي راحت :

– الأردن تفجرها ، وبغت تفوز ع اليابان ، لكن ياما اوشيدا أبىآ إلآ أن يتعادلو  .. 1-1 .
– يستمر مسلسل المفاجآت فـ هالمجموعة ، سوريا تهزم السعوديه بعد اكثر من 35 سنه بدون مايشمون ريحة الفوز ” الله يلعنك يابيسيرو ” ! 2-1 .

ترتيب المجموعة بعد الجولة الأولىآ :

::

مباريات هالجولة :

سوريا × اليابان
التاريخ : الخميس 13 يناير ، 7.15 !
الملعب : إستاد سحيم بن حمد ( نادي قطر )
القناة : كل القنوات ..

الساموراي الياباني مطالب بالفوز .. مايفوز = 90% يطلع ، حتى التعادل راح يسبب له احراج ، وبيصعب مهمته ضد منتبخنا ..
سوريا .. غير مطالب بالفوز ، إذآ طلع بتعادل ، أعتبره انجاز .. عندهم 3 نقاط ، مايحتاج يبحثون عن الفوز ..
هدفهم التعادل ، وان جا الفوز خير وبركة .. نقول بالتوفيق لليابان 

::

الأردن × السعودية ..
التاريخ : 13 يناير ، يوم الخميس ، الساعه سبع وربع ..
الملعب : إستاد أحمد بن علي ( نادي الريان )
القناة : كل القنوات 

الزلمات .. فجروها ضد اليابان ، كان ممكن وبشكل كبير يطلع بثلاث نقاط لكن خسروا نقطتين بسبب هفوة بسيطة ..
نظامهم نفس نظام سوريا .. كإمكانيات 0 وعلى الشمال بعد .. لكن الروح والانضباطية الكبيرة اللي عندهم + الحارس الوصخ .. تميزهم .

منتبخنا .. منتخب تاية في مباراة سوريا ، وسط ضايع ، دفاع شوارع ، هجوم أحول ، مدرب صتيمة .. بإختصار مباراة للنسيان !
المدرب وشلناه ، وبندخل مباراة الاردن كمباراة افتتاح ، مباراة جديده ، في بطولة جديده ، اللعيبة لازم يعتبرون مباراة سوريا ماضي وينسونها ..
يعني التحضير النفسي هو أهم شي .. وهنا يجي دور سلطان بن فهد .. اللعيبة محتاجين تهزيئة + إحساس بالتقصير ، عشان يشدون شوي ..
احس ان هالكلام متناقض .. لكن هي طريقتين ، يا يتم تهزيئهم من سلطان بن فهد ، الخبير طبعا ً بـ هالشي ” وجه يتذكر عطني الرومي خخ  ” ، عشان يحسون انهم مقصرين ، وان فيه ناس تحترق بالسعودية ..
يا انهم يفتحون صفحة جديده ، وتعطيهم دفعات معنوية لقدام .. ندخل بالأمور الفنية ..

مباراة سوريا كانت المثال المضاد الأفضل لمثل المؤمن لا يلدغ من جحره مرتين .. هدفين ، نفس الطريقة ، نفس الخطأ ، نفس الاعب  !!
التغطية من المحاور جدا ً سيئة .. بيسيرو الظاهر كان داخل مستهزئ بالمنتخب السوري .. على الورق كانو المحاور 2 .. بالملعب كان مافيه الا محور واحد ..
وهو كريري ، احمد عطيف فيه احد لاعبن عليه ، وقايله انت صانع ألعاب .. عشان كذا ، لازم يلعب بمحورين ارتكاز فمباراة الأردن ..
+ السعيد  لا أشوفه .. من يلعب مكانه ؟ أبدا ً حط المنتشري مع هوساوي والمولد يمين وشهيل يسار ..
وأشوف إن تشكيلة 4-5-1 ممتازة جدا ً خصوصا ً فـ هالمباراة بالذات .. تحتاج تمسك الوسط ، وتمتص حماس الأردنيين ، اللي بيطمعون بالفوز زي أخوياهم راعين الشاورما ..
أفضل تشكيلة ؟ .. حسب رأيي هذي :

وليد
شهيل – مونتي – هوساوي – المولد
كريري – معتز الموسى
الشلهوب – عبده – تيسير
هزازي

 

Advertisements
 
أضف تعليق

Posted by في 12 يناير 2011 in 1432 هـ

 

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

 
%d مدونون معجبون بهذه: